Саша Рыбак мае намер абвясціць кастынг, каб падрыхтаваць спявачку з Беларусі для Еўрабачання-2015
Спявак і кампазітар з Нарвегіі, пераможца «Еўрабачання-2009» Саша Рыбак гатовы падрыхтаваць беларускую спявачку для «Еўрабачання-2015».
Пра гэта ішла размова падчас сустрэчы з ім міністра культуры Беларусі Барыса Святлова.
«Я хачу дапамагчы беларускаму выканаўцу перамагчы на конкурсе. Даўно звярнуў увагу, што ў беларусак чароўны акцэнт, калі яны размаўляюць па-англійску. Гэта назіранне ляжа ў аснову будучай песні. Героем музычнай гісторыі стане дзяўчына, якая абяцае заўсёды ісці за сваім каханым, але назаўсёды захавае свой беларускі акцэнт. У мелодыі будзе гучаць фальклорны матыў», — распавёў спявак.
На думку Рыбака, песня павінна запасці ў душу еўрапейскаму слухачу, які шмат чуў пра прыгажосць беларусак. Каб знайсці спявачку, Аляксандр Рыбак мае намер абвясціць кастынг.
У Мінкультуры з цікавасцю ўспрынялі ідэю Аляксандра Рыбака і паабяцалі аказаць усялякае садзейнічанне ў арганізацыі гэтага праекта.
Сёння ж адбылася творчая сустрэча з Аляксандрам Рыбаком ў Беларускім дзяржаўным універсітэце культуры і мастацтваў.
Рыбак праслухаў некалькі выступаў і даў студэнтам парады адносна працы і паводзін на сцэне. Саша Рыбак сам акампанаваў ім на скрыпцы і раялі, чым узрушыў маладых артыстаў і выкладчыкаў універсітэта культуры.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары