Saša Rybak maje namier abviaścić kastynh, kab padrychtavać śpiavačku ź Biełarusi dla Jeŭrabačańnia-2015
Śpiavak i kampazitar z Narviehii, pieramožca «Jeŭrabačańnia-2009» Saša Rybak hatovy padrychtavać biełaruskuju śpiavačku dla «Jeŭrabačańnia-2015».
Pra heta išła razmova padčas sustrečy ź im ministra kultury Biełarusi Barysa Śviatłova.
«Ja chaču dapamahčy biełaruskamu vykanaŭcu pieramahčy na konkursie. Daŭno źviarnuŭ uvahu, što ŭ biełarusak čaroŭny akcent, kali jany razmaŭlajuć pa-anhlijsku. Heta nazirańnie laža ŭ asnovu budučaj pieśni. Hierojem muzyčnaj historyi stanie dziaŭčyna, jakaja abiacaje zaŭsiody iści za svaim kachanym, ale nazaŭsiody zachavaje svoj biełaruski akcent. U miełodyi budzie hučać falkłorny matyŭ», — raspavioŭ śpiavak.
Na dumku Rybaka, pieśnia pavinna zapaści ŭ dušu jeŭrapiejskamu słuchaču, jaki šmat čuŭ pra pryhažość biełarusak. Kab znajści śpiavačku, Alaksandr Rybak maje namier abviaścić kastynh.
U Minkultury ź cikavaściu ŭspryniali ideju Alaksandra Rybaka i paabiacali akazać usialakaje sadziejničańnie ŭ arhanizacyi hetaha prajekta.
Siońnia ž adbyłasia tvorčaja sustreča z Alaksandram Rybakom ŭ Biełaruskim dziaržaŭnym univiersitecie kultury i mastactvaŭ.
Rybak prasłuchaŭ niekalki vystupaŭ i daŭ studentam parady adnosna pracy i pavodzin na scenie. Saša Rybak sam akampanavaŭ im na skrypcy i rajali, čym uzrušyŭ maładych artystaŭ i vykładčykaŭ univiersiteta kultury.
Ciapier čytajuć
Dron prylacieŭ u pasažyrski aŭtobus na miažy Rasii i Biełarusi14
Kamientary