Ідэі пра магчымасць аддзялення Латгаліі (паўднёва-ўсходняя частка краіны, што мяжуе з Беларуссю і Расіяй) ад Латвіі зыходзяць ад знешніх нядобразычліўцаў. Пра гэта ў інтэрв'ю LTV заявіла прэм'ер Лаймдота Страуюма.
Па словах прэм'ера, у апошні час часта праходзяць мітынгі, на якіх выказваюцца радыкальныя думкі. Аднак падчас нядаўняй паездкі ў Латгалію Страуюма пераканалася, што там «усё спакойна». Страуюма паведаміла, што ёй удалося пагутарыць як з кіраўнікамі самакіраванняў, так і з мясцовымі жыхарамі, у тым ліку рускамоўнымі.
Прэм'ер адзначыла, што чуткі аб «асаблівым статусе» Латгаліі абражаюць кіраўнікоў латгальскіх самакіраванняў.
«У Латгаліі ў людзей іншыя думкі. Там не праводзяцца мерапрыемствы, каб зрабіць нешта такое. Такія ідэі інспіраваныя звонку», — сказала яна.
Нядаўна расійскія нацыянал-бальшавікі правялі ля пасольства Латвіі ў Маскве пікет «Латгалія — руская зямля!». Удзельнікі акцыі патрабавалі «спыніць пераслед рускіх і аднавіць іх палітычныя правы». У мітынгу, які доўжыўся каля гадзіны, прымалі ўдзел менш за 10 чалавек.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары