Рэактарнае аддзяленне Беларускай АЭС будзе ўзведзена дакладна ў тэрмін, паведамілі ва ўпраўленні камунікацый аб'яднанай кампаніі ААТ «НІАЭП» — ЗАТ «Атамбудэкспарт».
Цяпер на пляцоўцы працуюць 2783 чалавекі. За астатнія да канца года месяцы субпадрадным арганізацыям неабходна выканаць 39 працэнтаў ад запланаванага гадавога плана асваення капітальных укладанняў 2014-га. План верасня самы вялікі ў бягучым годзе.
У жніўні будаўніцтва АЭС перайшло на надземную стадыю будаўніцтва. На першым энергаблоке БелАЭС 29 жніўня ў праектнае палажэнне быў устаноўлены першы ўзбуйняльны мантажны блок (УБМ) унутранай ахоўнай абалонкі (УАА) з адзнакі «мінус 1,250» (1,25 м ніжэй за нулявую адзнаку) да «плюс 9,400» (9,4 м вышэй за нулявую адзнаку) будынка рэактара першага энергаблока. Пры гэтым 11 верасня ўсе работы па мантажы блока на гэтай адзнацы завершаны ў поўным аб'ёме. Усяго ўстаноўлена 12 узбуйняльных мантажных блокаў.
Унутраная ахоўная абалонка будуецца метадам узбуйняльнага мантажу, які дасць магчымасць узвесці рэактарнае аддзяленне якасна і ў тэрмін. Мантаж УБМ першага блока УАА быў выкананы дакладна па графіку.
У Беларусі будуць пабудаваны два энергаблокі сумарнай магутнасцю да 2400 (2х1200) МВт. Генеральным праекціроўшчыкам і генеральным падрадчыкам з'яўляецца аб'яднаная расійская кампанія ААТ «НІАЭП» — ЗАТ «АБЭ».
Прадугледжана, што Беларуская АЭС будзе ўзводзіцца на ўмовах поўнай адказнасці генеральнага падрадчыка. Для будаўніцтва першай Беларускай АЭС выбраны праект «АЭС-2006» ААТ «Санкт-Пецярбургскі навукова-даследчы і праектна-канструктарскі інстытут «Атамэнергапраект». Для размяшчэння станцыі вызначана Астравецкая пляцоўка ў Гродзенскай вобласці.
Праект Беларускай АЭС адпавядае міжнародным нормам і рэкамендацыям МАГАТЭ, вызначаецца павышанымі характарыстыкамі бяспекі і тэхніка-эканамічнымі паказчыкамі.
Аб'яднаная кампанія ААТ «НІАЭП» — ЗАТ «АБЭ» з'яўляецца адным з лідараў сусветнага атамнага інжынірынгавага бізнесу і займае 31 працэнт глабальнага рынку будаўніцтва АЭС. Прадстаўніцтвы і аперацыйныя офісы кампаніі дзейнічаюць на тэрыторыі 15 краін, амаль 80 працэнтаў партфеля заказаў кампаніі прыпадае на праекты за мяжой
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары