Парушэнне развіцця галаўнога мозгу не дазваляе аўтыстам завязваць і падтрымліваць паўнавартасныя адносіны ў грамадстве, абмяжоўвае іхнае кола зацікаўленасцяў. Калі вы бачылі серыял «Тэорыя вялікага выбуху», то памятаеце Шэлдана Купэра, у якога можна заўважыць лёгкую ступень аўтызму.
Разведчыкі аддзела 9900. Фота Сіл абароны Ізраіля.
Такім людзям амаль немагчыма працяглы час знаходзіцца ў звычайным вайсковым калектыве, дзе кожны жаўнер увесь час мусіць цесна кантактаваць і супрацоўнічаць з калегамі і камандзірамі ў сітуацыі, якая можа мяняцца кожную хвіліну.
Аднак у Ізраілі, у якім войска і служба ў ім — прадмет агульнанацыянальнага гонару, некалькі афіцэраў знайшлі шлях, як інтэграваць аўтыстаў у армейскую структуру, піша афіцыйны блог Сіл абароны Ізраіля idfblog.com.
Так званы «Спецыяльны разведны аддзел 9900» займаецца вывучэннем геаграфічных дадзеных, аналізам здымкаў, якія атрыманыя са спадарожнікаў і самалётаў-разведчыкаў.
Пару год таму ён пачаў набіраць хворых на аўтызм з дзвюма мэтамі — даць людзям магчымасць праявіць сябе на службе сваёй краіне і выкарыстаць іхныя асаблівасці, якія ў адпаведных умовах даюць ім перавагу над звычайнымі жаўнерамі і афіцэрамі.
Справа ў тым, што аўтысты здольныя апрацоўваць візуальную і тэкставую інфармацыю ў некалькі разоў хутчэй, таксама яны адрозніваюцца неймавернай здольнасцю заўважаць самыя дробныя дэталі, вельмі вялікай сканцэнтраванасцю, адзначаюць медыкі.
У супрацы з медыкамі і недзяржаўнымі арганізацыямі, якія займаюцца дапамогай і сацыялізацыяй людзей з аўтызмам, быў распрацаваны спэцыяльны курс падрыхтоўкі для аўтыстаў, якія пажадалі стаць жаўнерамі.
З іхнымі будучымі камандзірамі таксама папрацавалі, каб растлумачыць ім, як зрабіць так, каб падначаленыя адчувалі сябе максімальна камфортна, што, у сваю чаргу, забяспечыць найлепшае выкананне задачаў усяго падраздзялення.
Адначасова вайскоўцы-аўтысты не аддзеленыя жорстка ад сваіх звычайных калегаў.
Яны сядзяць побач, кантактуць па-за службай, і гэтая камунікацыя выпрацоўвае новыя навыкі, дае новы вопыт абодвум бакам, які будзе карысны і ў цывільным жыцці.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей7
Каментары