Пры параўнанні хатніх гаспадарак краін Балтыі высветлілася, што літоўцы на свае патрэбы трацяць больш, чым эстонцы, але яшчэ больш трацяць латышы.
Delfi.lt
У Вільні сям'я з чатырох чалавек, якая жыве ў кватэры плошчай 70 кв. м, на харчаванне, утрыманне жылля і транспарт выдаткоўвае 513 еўра.
Гэта на 14 еўра больш, чым у Таліне (499 еўра), аднак на 78 еўра менш, чым у Рызе (591 еўра). Гэтыя звесткі прыводзіць даследаванне, праведзенае Інстытутам асабістых фінансаў Swedbank.
Сям'я, якая жыве ва ўласным доме ў Вільні, на харчаванне, жыллё і грамадскі транспарт выдаткоўвае 41% сваіх даходаў, у Рызе — 44%, у Таліне — 26%.
Сям'я ў Таліне ў сярэднім атрымлівае даходы памерам 1953 еўра ў месяц — гэта на 31% чым у Рызе (1342 еўра) і на 37% больш, чым у Вільні (1236 еўра).
Жыхары ўсіх сталіц краін Балтыі больш за ўсё грошай выдаткоўваюць на харчаванне.
У Вільні сям'і з чатырох чалавек на харчаванне патрабуецца (291 еўра), у Латвіі — 312 еўра, у Эстоніі — 299 еўра.
Даражэй усіх за грамадскі транспарт плацяць жыхары Рыгі — сям'і, дзе дваім дарослым і аднаму школьніку за транспарт даводзіцца аддаць 100 еўра ў месяц, у Вільні — 64 еўра. У Таліне грамадскі транспарт бясплатны.
У Вільні сям'я, у якой ёсць уласнае жыллё плошчай 70 кв. м, аддае на яго ўтрыманне 158 еўра ў месяц (на 8 еўра менш, чым у мінулым годзе). У Рызе ўтрыманне ўласнага жылля за год падаражэла і каштуе 179 еўра (на 4 еўра больш, чым у мінулым годзе), у Таліне сума не змянілася - 200 еўра.
Дзядок расказаў, як паводзіў бы сябе ў сённяшняй Беларусі і што будзе далей5
Каментары