Pry paraŭnańni chatnich haspadarak krain Bałtyi vyśvietliłasia, što litoŭcy na svaje patreby traciać bolš, čym estoncy, ale jašče bolš traciać łatyšy.
Delfi.lt
U Vilni siamja z čatyroch čałaviek, jakaja žyvie ŭ kvatery płoščaj 70 kv. m, na charčavańnie, utrymańnie žylla i transpart vydatkoŭvaje 513 jeŭra.
Heta na 14 jeŭra bolš, čym u Talinie (499 jeŭra), adnak na 78 jeŭra mienš, čym u Ryzie (591 jeŭra). Hetyja źviestki pryvodzić daśledavańnie, praviedzienaje Instytutam asabistych finansaŭ Swedbank.
Siamja, jakaja žyvie va ŭłasnym domie ŭ Vilni, na charčavańnie, žyllo i hramadski transpart vydatkoŭvaje 41% svaich dachodaŭ, u Ryzie — 44%, u Talinie — 26%.
Siamja ŭ Talinie ŭ siarednim atrymlivaje dachody pamieram 1953 jeŭra ŭ miesiac — heta na 31% čym u Ryzie (1342 jeŭra) i na 37% bolš, čym u Vilni (1236 jeŭra).
Žychary ŭsich stalic krain Bałtyi bolš za ŭsio hrošaj vydatkoŭvajuć na charčavańnie.
U Vilni siamji z čatyroch čałaviek na charčavańnie patrabujecca (291 jeŭra), u Łatvii — 312 jeŭra, u Estonii — 299 jeŭra.
Daražej usich za hramadski transpart płaciać žychary Ryhi — siamji, dzie dvaim darosłym i adnamu školniku za transpart davodzicca addać 100 jeŭra ŭ miesiac, u Vilni — 64 jeŭra. U Talinie hramadski transpart biaspłatny.
U Vilni siamja, u jakoj jość ułasnaje žyllo płoščaj 70 kv. m, addaje na jaho ŭtrymańnie 158 jeŭra ŭ miesiac (na 8 jeŭra mienš, čym u minułym hodzie). U Ryzie ŭtrymańnie ŭłasnaha žylla za hod padaražeła i kaštuje 179 jeŭra (na 4 jeŭra bolš, čym u minułym hodzie), u Talinie suma nie źmianiłasia - 200 jeŭra.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra7
Kamientary