Старонка Руслана Фраемчука Укантакце дазваляе ўбачыць унутраны свет чалавека, які мог скрасці $840.000
Руслан Фраямчук — ахоўнік «Белсвісбанка», які, як падазрае следства, вынес з сейфа свайго банка каля 840 тысяч даляраў у розных валютах. Не забыўся нават 100 злотых.
Фраямчук знік. Цяпер гэта самы шуканы чалавек у Беларусі. Але ягоная старонка Укантакце застаецца адкрытай. Іншыя людзі не маюць да яе доступу, а любы выхад у інтэрнэт самога Фраемчука зафіксаваў бы для следчых месца яго знаходжання.
Старонка Фраемчука дазваляе зазірнуць ва ўнутраны свет, пабачыць захапленні і стыль мыслення чалавека, якога падазраюць у адным з найбольшых крадзяжоў у гісторыі Беларусі.
Як ахоўнік, Фраямчук дасканала ведаў механізм працы аддзялення банка ў самым цэнтры Мінска, каля Ратушы на плошчы Свабоды. Ён пакінуў банк апошнім пасля працоўнай суботы 25 красавіка. А знікненне грошай выявілі толькі ў панядзелак 27-га.
Як бацька, Фраямчук бязмежна любіць сваю 9-гадовую дачку-мадэльку Алексію. Яе фотамі запоўнена старонка. З жонкай Руслан разведзены — інфармацыя на старонцы: «Нежанаты».
Прозвішча Фраямчук — рэдкае. Прозвішчы на -ук звычайна беларускія заходнепалескія або ўкраінскія і паходзяць ад уласных імёнаў. Дадзенае — ад рэдкай для нас, біблійнай формы імя Ахрэм, Яфрэм — Фраім, Эфраім.
9 мая 2014 года Фраямчук размяшчаў песню «А Студыё» «Нам нужна адна пабеда» і зычыў «Спасібо деду за победу».
А 30 мая мінулага года размясціў на сваёй старонцы іншую «мудрасць»: «Лепш зрабіць і пашкадаваць, чым не зрабіць і пашкадаваць». Магчыма, якраз тады, у перадлецце, у ягонай галаве і нарадзілася дзёрзкая задума.
Цяпер чытаюць
Маладую беларуску пратрымалі ў расійскім СІЗА амаль 4 гады і апраўдалі. А кампенсацыю далі такую, нібыта ў твар плюнулі5
Каментары