Кухары выйшлі ў начную змену, каб запекчы парася і ўпрыгожыць святочныя тарты.
Фота Віктара Гіліцкага
Ля прылаўкаў на ўчастку прэзідэнта стаіць сціплая цёмнавалосая жанчына, назірае, ці ўсё стравы прыгожа выкладзеныя. Гэта Таццяна Пунтус, загадчыца вытворчасці кулінарыі рэстарана «Радзівілаўскі». Яе кухары працавалі ўсю ноч, каб прыгатаваць стравы для ўчастка, на якім будзе галасаваць прэзідэнт.
— Для таго, каб усё гэта прыгатаваць, каб усе стравы былі сёння свежымі, мы пачалі працаваць у 10 гадзін вечара напярэдадні. Усяго гатавала пяць чалавек, — распавяла яна.
Цяпер на ўчастку можна купіць не ўсё, што выстаўлена на прылаўку. Але пасля таго, як прагаласуе Аляксандр Лукашэнка, жадаючым прададуць і ракаў, і прыгожае сала, і нават вэнджанае парася.
Дарэчы, за парасём ўжо з'явілася чарга - з тых, хто прыйшоў на ўчастак раней за ўсіх? піша Ірына Козлік з kp.by.
Выбаршчыкаў радуе не толькі асартымент, але і цэны. Напрыклад, расцягай з мясам каштуе ўсяго 3100 рублёў, а вэнджанае парася - 47 400 за кіло. Разнастайныя пірожныя - ад 1300 да 2800 рублёў, адзначае Таццяна Каравянкова з naviny.by.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю6
Каментары