Біл Гейтс падтрымлівае запыт ФБР аб узломе iPhone аднаго з удзельнікаў тэракту ў Каліфорніі. Заснавальнік Microsoft падкрэсліў, што гэта не створыць прэцэдэнт аб доступе да асабістай інфармацыі.
AP
«Гэта канкрэтны выпадак, калі ўрад просіць аб доступе да інфармацыі. Яны не просяць пра нейкую агульную рэч, яны кажуць пра канкрэтны выпадак», — сказаў Гейтс у інтэрв'ю Financial Times.
Запыт пра ўзлом прылады Apple нічым не адрозніваецца ад, напрыклад, запыту пра інфармацыю ад тэлефоннай кампаніі або банка, лічыць Гейтс: «Давайце ўявім, што банк заклеіў дыскавод і сказаў: «Не прымушайце мяне адклейваць стужку, бо тады вы прымусіце мяне рабіць гэта шмат разоў».
Пазіцыя Гейтса ідзе насуперак з пунктам гледжання іншых высокатэхналагічных кампаній, падкрэслівае FT. Так, на бок Apple раней ужо ўсталі Facebook, Twitter, WhatsApp і Google.
Рашэнне аб тым, што Apple павінна дапамагчы ФБР узламаць тэлефон Саеда Фарука, які ўдзельнічаў у тэракце ў каліфарнійскім Сан-Бернардына, прыняў акруговы суд Лос-Анджэлеса. У адказ кіраўнік Apple Цім Кук сказаў, што запыт пагражае бяспецы кліентаў, а яго наступствы «знаходзяцца далёка за рамкамі прававога поля». Кампанія адмовілася выконваць рашэнне суда і вырашыла падаць на яго апеляцыю.
«Урад папрасіў Apple ўзламаць нашых уласных карыстальнікаў і падарваць дзесяцігоддзі працы над сістэмай абароны кліентаў, у тым ліку амерыканскіх грамадзян, ад вынаходлівых хакераў і кіберзлачынцаў», — заявіў Кук.
Apple таксама заклікала стварыць урадавую камісію або экспертную групу, якая разгледзела б пытанне ўплыву спрэчкі з ФБР на нацыянальную бяспеку і асабістыя свабоды.
Атака ў Сан-Бернардына адбылася 2 снежня, пасля яе прызналі тэрактам. Саед Рызван Фарук і яго жонка Ташфін Малік адкрылі агонь у цэнтры для людзей з абмежаванымі магчымасцямі, у выніку страляніны загінулі 14 чалавек, 22 параненыя.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1313
Каментары