Аляксандр Лукашэнка выступае за стварэнне поўнамаштабнай дагаворна-прававой базы супрацоўніцтва з Тайландам. Аб гэтым кіраўнік беларускай дзяржавы заявіў сёння на сустрэчы з віцэ-прэм'ерам — міністрам абароны Тайланда Правітам Вангсуванам.
Кіраўнік Беларусі са шкадаваннем канстатаваў адсутнасць поўнамаштабнай юрыдычнай асновы, дагаворна-прававой базы двухбаковага супрацоўніцтва. На пэўным узроўні яна, зрэшты, існуе. «Я б сказаў, існуе на ўзроўні даверу», - адзначыў Аляксандр Лукашэнка.
Так, у Беларусі ніколі не было пытанняў да партнёраў у Тайландзе, роўна як і тайландскі бок не меў прэтэнзій да беларусаў. «Гэта добра, але трэба фармаваць дагаворна-прававую базу», - падкрэсліў кіраўнік дзяржавы. Ён даручыў стварыць сумесную міжурадавую камісію для прапрацоўкі канкрэтных пытанняў супрацоўніцтва з Тайландам. Аляксандр Лукашэнка выказаў упэўненасць, што візіт высокага госця паслужыць пачаткам фарміравання неабходнай дагаворна-прававой базы, і прапанаваў яму ўносіць свае прапановы наконт новых напрамкаў супрацоўніцтва.
«Закрытых тэм па супрацоўніцтве з Тайландам у нас няма. Мы гатовыя дамаўляцца па ўсіх напрамках, па якіх вы хацелі б супрацоўнічаць з Беларуссю, — прадоўжыў Лукашэнка. — Мы вельмі сур'ёзна можам супрацоўнічаць з вамі і дасягаць вельмі высокага ўзроўню тавараабароту».
Аляксандр Лукашэнка падкрэсліў, што беларускі бок «зробіць усё для таго, каб задаволіць запыты Тайланда па любым кірунку». Спектр шырокі: ад навучання кадраў вайсковых і грамадзянскіх спецыяльнасцях да ўзаемных паставак тавараў.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю5
Каментары