Упраўленне ўнутраных спраў Магілёўскага аблвыканкама западозрыла супрацоўніка Бялыніцкага РАУС у махлярстве пры атрыманні крэдытаў, што перавышаюць 790 млн рублёў.
Як паведаміў начальнік аддзялення інфармацыі і грамадскіх сувязяў УУС Дзмітрый Ігнатовіч, падазрэнні ў дачыненні да міліцыянта паўсталі пры вывучэнні дэкларацый аб даходах і маёмасці супрацоўнікаў органаў унутраных спраў вобласці. У прыватнасці, падазрэнне выклікалі сумы крэдытаў, якія ўзяў мужчына.
«Супрацоўнік Бялыніцкага РАУС акрамя гэтага ўваходзіў у давер і да сваіх знаёмых, якіх прасіў узяць на сваё імя крэдыты, абяцаючы своечасова іх пагашаць. Пры спрыянні іншых цывільных асоб ён забяспечваў крэдытаатрымальнікаў даведкамі, якія змяшчаюць ілжывыя звесткі аб месцы іх працы і даходах, для выдачы крэдытаў на максімальна магчымую суму. Больш за тое, грамадзяне пэўна ведалі, што падаюць у банкі ілжывыя дакументы. У выніку чаго ў пяці камерцыйных банках Магілёва ім былі выдадзеныя крэдыты на агульную суму больш як 790 млн рублёў», — паведаміў Ігнатовіч.
Ён адзначыў, што цяпер некаторыя крэдытаатрымальнікі звяртаюцца ў рэдакцыі СМІ, бо асцерагаюцца, што ўзятыя імі крэдыты не будуць выплачаныя.
Паводле слоў Ігнатовіча, сабраныя 9-м кіраўніцтвам галоўнага ўпраўлення ўласнай бяспекі МУС крыніцы паказалі падазрэнні супрацоўнікаў кадравага апарату УУС Магілёўскага аблвыканкама і з'явіліся для абласнога ўпраўлення Следчага камітэта падставай для распачынання крымінальнай справы ў дачыненні да супрацоўніка па ч. 4 арт. 209 Крымінальнага кодэкса (махлярства, здзейсненае ў асабліва буйным памеры).
«Гэты супрацоўнік быў звольнены з органаў унутраных спраў па адмоўных матывах яшчэ да распачынання крымінальнай справы. Ён узяты пад варту», — заявіў начальнік аддзялення інфармацыі і грамадскіх сувязяў.
Расследаванне справы аб махлярстве працягваецца. Пацярпелымі па ёй прызнаныя банкі.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей4
Каментары