NN.BY атрымала папярэджанне ад Мінінфармацыі за артыкул у рубрыцы «Меркаванні»
Міністэрства інфармацыі Беларусі вынесла пісьмовыя папярэджанні ўладальнікам інфармацыйных рэсурсаў, размешчаных у інтэрнэце (ej.by і nn.by), паведаміла БелТА са спасылкай на ведамства.
У дачыненні да ej.by папярэджанне вынесенае за публікацыю «Беларускае войска комплексна правяраюць на боегатоўнасць», у якой ідзе гаворка пра мерапрыемствы па праверцы боегатоўнасці Узброеных Сіл. Пры гэтым публікацыя суправаджаецца фатаграфіяй нямецкай тэхнікі часоў Другой сусветнай вайны.
«Такая кампіляцыя тэксту і фатаграфіі дыскрэдытуе Узброеныя Сілы Рэспублікі Беларусь», — адзначылі ў Мінінфарме.
У матэрыяле nn.by пад загалоўкам «У Беларусі — чырвоны ўзровень дэмаграфічнай небяспекі: штогод «вымірае» райцэнтр», сцвярджаецца пра катастрафічную дэмаграфічную сітуацыю ў краіне, якая «нібыта» мае месца ў цяперашні час. «Гэтая інфармацыя не адпавядае рэчаіснасці, што пацвярджаецца статыстычнымі дадзенымі Нацыянальнага статыстычнага камітэта Беларусі, размешчанымі на інфармацыйным рэсурсе belstat.gov.by. Падобная недакладная інфармацыя ў артыкуле nn.by дыскрэдытуе выніковасць дзяржаўнай дэмаграфічнай палітыкі», — лічаць у міністэрстве.
Ад Рэдакцыі
Што датычыць папярэджання «Нашай Ніве», то дадзены артыкул быў напісаны нашым чытачом Сяргеем Лябецкім. Ён быў апублікаваны ў рубрыцы «Меркаванні». Яго аўтар грунтаваў сваё меркаванне на сваіх ацэнках. Міністэрства інфармацыі спасылаецца, у сваю чаргу, на афіцыйную дэмаграфічную статыстыку Белстата.
Варта адзначыць, што «Наша Ніва» не раз публікавала і белстатаўскую інфармацыю ў рубрыцы «Грамадства».
Вось тыя артыкулы:
Насельніцтва Беларусі павялічваецца ўпершыню за 20 гадоў
Ужо ў гэтым месяцы колькасць насельніцтва Беларусі мае перавысіць 9,5 мільёна чалавек
Мы параімся з юрыстамі адносна таго, ці ёсць сэнс абскарджваць дадзенае папярэджанне.
У кожным разе, NN.BY імкнецца да максімальнай дакладнасці інфармацыі, што публікуецца, а таксама забяспечвае плюралізм меркаванняў.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары