ФСБ пачала праверку ў Севастопалі пасля гімна са словамі «Расія — шалёная наша дзяржава»
Падчас першага з'езду грамадска-экспертнай рады пры «губернатару» акупаванага Севастопаля Сяргея Мяняйлы на вялікім экране з'явіўся пачатак гімна РФ са скажоным тэкстам.
Да прыкладу, у першым радку «Расія — свяшчэнная наша дзяржава» з'явіўся прыметнік «шалёная», перадае ForPost. Таксама прысутнічалі іншыя грубасці і абразы.
Акрамя таго, музыка гімна суправаджалася дысананснымі нотамі ўперамешку за звонавай какафоніяй.
Прадстаўнікі атрадаў самаабароны кінуліся ў гукарэжысёрскую рубку. Але файл са скажоным гімнам Расіі з камп'ютара ўжо быў выдалены, а файлавы кошык — пачышчаны. Выразнага адказу ад гукааператараў дамагчыся не ўдалося.
У сваю чаргу агенцтва FlashCrimea паведаміла, што ўпраўленне ФСБ па Крыме і Севастопалі праводзіць праверку па факце выканання фальшывага расійскага гімна на з'ездзе.
«Гэта быў набор слоў, якія да гімна не маюць ніякага дачынення. У цяперашні час праводзіцца праверка», — сказаў суразмоўца агенцтва.
Цяпер чытаюць
21‑гадовага курсанта Акадэміі авіяцыі асудзілі за Гаюна1
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары