European Journal of Preventive Cardiolog апублікаваў даследаванне шведскіх медыкаў, якія вызначылі дзве прычыны, якія спрыяюць ранняй смерці. Вытрымкі з даследавання апублікаваў партал «EurekAlert!».
Навукоўцы высветлілі, што базавыя прычыны заўчаснай смяротнасці — гэта курэнне і нізкая фізічная актыўнасць. Да гэтых высноў медыкі прыйшлі пасля 45-гадовых назіранняў за 792 мужчынамі 1913 года нараджэння, якія пражываюць у шведскім Гётэборгу.
Медыкі пачалі сваё даследаванне ў 1963 годзе, калі ўдзельнікам эксперыменту споўнілася па 50 гадоў. З гэтага часу лекары адсочвалі у мужчын паказчыкі сардэчна-сасудзістай сістэмы.
Ужо ў 1967 годзе толькі 656 чалавек з 792 аказаліся здольныя здаць тэст VO2 max, які вызначае максімальную здольнасць арганізма да паглынання і засваенню кіслароду. Астатнім гэта было забаронена па медыцынскіх паказчыках. У далейшым такія даследаванні праводзіліся раз на дзесяць гадоў.
Па сканчэнні некалькіх дзесяцігоддзяў — у 2012 годзе — навукоўцы прааналізавалі прычыны смяротнасці людзей. Пасля падвядзення вынікаў усе удзельнікі назіранняў былі падзеленыя на тры групы (спажывалі 2,00, 2,26 і 2,56 літра кіслароду ў хвіліну).
У ходзе даследаванняў высветлілася, чым больш чалавек можа засвоіць кіслароду падчас фізічных практыкаванняў, тым меншая рызыка заўчаснай смерці.
Такім чынам навукоўцам удалося даказаць сувязь паміж паказчыкамі VO2 max і рызыкай заўчаснай смяротнасці.
У даследаваннях улічваліся і іншыя фактары рызыкі: курэнне, высокі ціск, халестэрын у крыві. Медыкі падкрэсліваюць, што нізкая пераноснасць аэробных нагрузак аказалася наўпрост звязанай з заўчаснай смяротнасцю.
-
27‑гадовая беларуска без дзяцей ідзе на стэрылізацыю — і вось чаму ёй можна
-
У Мінску медыкі зрабілі ўнікальную аперацыю: пацыенту перасадзілі яго ўласную костку разам з сасудамі
-
«У нас мізэрная колькасць тых, хто бярэ свабодныя дыпломы». Чыноўніца Мінздароўя пракаментавала адмену платнага навучання ў медыцынскіх ВНУ
Цяпер чытаюць
Прапагандысты запэўніваюць, што 196 палітвязняў ужо на свабодзе8
Каментары