Міністр абароны ЗША Эштан Картэр абвінаваціў улады Расіі ў агрэсіўных паводзінах, накіраваных на падрыў сусветнага парадку.
«Мы не шукаем ворага ў асобе Расіі. Але мы будзем абараняць нашых саюзнікаў, прынцыповы сусветны парадак і пазітыўную будучыню, якую ён прынясе нам усім», — заявіў Картэр, выступаючы перад студэнтамі Оксфардскага ўніверсітэта ў Вялікабрытаніі.
Паводле яго слоў, дзеянні Расіі грунтуюцца на ілжывых амбіцыях і беспадстаўных страхах.
Картэр абвінаваціў Маскву ў парушэнні тэрытарыяльнай цэласнасці Украіны і Грузіі, у «непрафесійных паводзінах» у космасе і кіберпрасторы, а таксама ў «бразганні ядзернай зброяй».
«Мы будзем супрацьстаяць спробам падарваць нашу агульную бяспеку і не будзем ігнараваць спробы ўмешвацца ў нашы дэмакратычныя працэсы», — заявіў кіраўнік Пентагона.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары