«Мерседэс-Спрынтар» з беларускімі нумарамі трапіў у ДТЗ за 86 км ад расійскай сталіцы на аўтадарозе Брэст — Масква. Аварыя адбылася 8 лістапада каля 3.55.
Як паведаміла БелаПАН начальнік аддзялення па агітацыі і прапагандзе ДАІ УУС Брэсцкага аблвыканкама Наталля Сахарчук, мікрааўтобус сутыкнуўся з грузавым аўтамабілем «MAН», які рухаўся ў спадарожным кірунку.
Паводле папярэдніх дадзеных, кіроўца «Мерседэса», які выконваў рэйс Брэст — Масква, заснуў за рулём.
У выніку ДТЗ кіроўца і сем пасажыраў мікрааўтобуса атрымалі траўмы і дастаўлены ў бальніцу Рузскага муніцыпальнага раёна Маскоўскай вобласці.
Сярод пацярпелых жыхаркі Кобрына — жанчыны 1973, 1978 і 1968 гадоў нараджэння, Брэста — 1951 года нараджэння, Пружанаў — 1964 года нараджэння, жыхары Брэста — мужчыны 1962 і 1986 гадоў нараджэння, а таксама жыхарка Маскоўскай вобласці 1960 года нараджэння.
Кіроўца грузавога аўтамабіля не пацярпеў.
Паводле інфармацыі старшыні РГА «Перспектыва» Анатоля Шумчанкі, пацярпелыя з Кобрына з'яўляюцца індывідуальнымі прадпрымальнікамі.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары