«Miersiedes-Spryntar» ź biełaruskimi numarami trapiŭ u DTZ za 86 km ad rasijskaj stalicy na aŭtadarozie Brest — Maskva. Avaryja adbyłasia 8 listapada kala 3.55.
Jak paviedamiła BiełaPAN načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, mikraaŭtobus sutyknuŭsia z hruzavym aŭtamabilem «MAN», jaki ruchaŭsia ŭ spadarožnym kirunku.
Pavodle papiarednich dadzienych, kiroŭca «Miersiedesa», jaki vykonvaŭ rejs Brest — Maskva, zasnuŭ za rulom.
U vyniku DTZ kiroŭca i siem pasažyraŭ mikraaŭtobusa atrymali traŭmy i dastaŭleny ŭ balnicu Ruzskaha municypalnaha rajona Maskoŭskaj vobłaści.
Siarod paciarpiełych žycharki Kobryna — žančyny 1973, 1978 i 1968 hadoŭ naradžeńnia, Bresta — 1951 hoda naradžeńnia, Pružanaŭ — 1964 hoda naradžeńnia, žychary Bresta — mužčyny 1962 i 1986 hadoŭ naradžeńnia, a taksama žycharka Maskoŭskaj vobłaści 1960 hoda naradžeńnia.
Kiroŭca hruzavoha aŭtamabila nie paciarpieŭ.
Pavodle infarmacyi staršyni RHA «Pierśpiektyva» Anatola Šumčanki, paciarpiełyja z Kobryna źjaŭlajucca indyvidualnymi pradprymalnikami.
Kamientary