Лукашэнка падпісаў указ аб узнагароджанні больш як 190 работнікаў розных сфер дзейнасці. Сярод іх — Капскі, Корбут, Ціхановіч
Адпаведны ўказ нумар 427 Аляксандр Лукашэнка падпісаў 24 лістапада, паведамілі БелТА ў прэс-службе кіраўніка дзяржавы.
Яны ўзнагароджаны за шматгадовую плённую працу, узорнае выкананне службовых абавязкаў, мужнасць і адвагу, праяўленыя пры выратаванні людзей, дасягненне высокіх вытворчых паказчыкаў у прамысловасці і будаўніцтве, сельскай і лясной гаспадарцы, значны асабісты ўклад у развіццё галіны навуковых даследаванняў, энергетычнай сістэмы, сферы адукацыі, аховы здароўя, бытавога абслугоўвання насельніцтва, мастацтва, культуры і спорту.
Памочнік Прэзідэнта Беларусі Мікалай Корбут і старшыня СВК «Агракамбінат Сноў» Мікалай Радаман удастоены ордэна Айчыны III ступені.
Начальнік упраўлення матэрыяльна-тэхнічнага забеспячэння МНС Ігар Болатаў і начальнік Рэспубліканскага атрада спецыяльнага прызначэння МНС Руслан Салодкін узнагароджаны ордэнам «За службу Радзіме» ІІІ ступені.
Ордэнам Пашаны адзначаны 16 чалавек. Сярод іх генеральны дырэктар ААТ «Барысаўскі завод аўтатрактарнага электраабсталявання» — кіруючая кампанія холдынга «Аўтакампаненты» Анатоль Капскі, рэктар Гродзенскага дзяржаўнага аграрнага ўніверсітэта Вітольд Песціс.
Мастак-жывапісец, член Беларускага саюза мастакоў Аляксандр Салаўёў і галоўны рэжысёр, генеральны прадзюсар ТАА «Профіартвідэан» Аляксандр Ціхановіч удастоены ордэна Францыска Скарыны.
За заслугі ў розных сферах дзейнасці вялікая група работнікаў адзначана медалямі за выратаванае жыццё, за адзнаку ў воінскай службе, у ахове дзяржаўнай граніцы, у папярэджанні і ліквідацыі надзвычайных сітуацый, за працоўныя заслугі і медалём Францыска Скарыны.
Указам таксама прысвоены ганаровыя званні. Артысту-вакалісту — вядучаму майстру сцэны Нацыянальнага акадэмічнага Вялікага тэатра оперы і балета Настассі Масквіной прысвоена ганаровае званне «Народны артыст Беларусі». Званне «Народны настаўнік Беларусі» прысвоена настаўніку фізікі Магілёўскага дзяржаўнага абласнога ліцэя №1 Валерыю Барашкаву.
Акрамя таго, указам прысвоены ганаровыя званні заслужанага артыста, дзеяча навукі, работніка адукацыі, урача, работніка аховы здароўя, прамысловасці, сельскай гаспадаркі, лесавода, будаўніка, трэнера, майстра спорту.
Былы міністр культуры Руслан Чарнецкі знайшоў сабе падпрацоўку9
Каментары