Абразу прэзідэнта Азербайджана ў інтэрнэце будзе крымінальным злачынствам. Такое рашэнне прыняў прэзідэнт краіны.
Спроба зганьбіць ці зняважыць гонар і годнасць прэзідэнта Азербайджана стала крымінальным злачынствам. Такое рашэнне прыняў парламент краіны па прапанове генеральнага пракурора Закір Гаралава, паведамляе выданне Vesti.az.
Раней азербайджанскае заканадаўства прадугледжвала пакаранне за абразу прэзідэнта ў сродках масавай інфармацыі. Цяпер жа ў артыкул дадалі і тэрмін «інфармацыйныя інтэрнэт-рэсурсы». Вінаватых у парушэнні закона чакае штраф у памеры 500—1000 манатаў (290—570 даляраў), або папраўчыя працы да двух гадоў, або пазбаўленне волі тэрмінам на два гады.
Яшчэ больш сур'ёзнае пакаранне пагражае тым, хто будзе займацца распаўсюджваннем абраз на адрас прэзідэнта ў «інфармацыйных рэсурсах інтэрнэту» з выкарыстаннем фэйкавых імёнаў, профіляў або акаўнтаў. Іх чакае пакаранне ў выглядзе штрафу ў памеры 1000—1500 манатаў (570—860 даляраў) або пазбаўленне волі тэрмінам да трох гадоў.
Таксама дэпутаты прынялі закон, які ўводзіць крымінальную адказнасць за паклёп у інтэрнэце з выкарыстаннем фэйкавых імёнаў. Як патлумачыў генеральны пракурор, гаворка ідзе пра паведамленні, у якіх немагчыма адразу вызначыць асобу карыстальніка.
Каментары