У забойстве маладой мамы, якую шукаў увесь Мінск, падазраюць яе каханка
32-гадовая мінчанка Таццяна Курсевіч прапала ў сярэдзіне лістапада, знікла і яе старэнькае «Аўдзі» з пазнавальнай прыкметай — чырвоным бамперам. Былы муж і сяброўка звярнуліся ў міліцыю, да пошуку падключыліся валанцёры атрада «Анёл».
Як стала вядома, закапанае цела жанчыны знайшлі ў хлеве ў Вілейскім раёне, за 120 км ад Мінска. Аўтамабіль, прычым часткова перафарбаваны, стаяў у Маладзечне.
Паводле папярэдняй версіі, 15 лістапада Таццяна пасварылася са сваім каханкам. Ён забіў жанчыну сякерай і вывез цела ў вёску, дзе меў хату.
Сямігадовае дзіця Таццяны ў гэты момант было ў свайго бацькі.
Падазраваны каханак жанчыны затрыманы. У поўным аб'ёме ён віну не прызнае.
Пасля паступлення ў міліцыю заявы аб вышуку узніклі падазрэнні аб крымінальным характары здарэння, распавёў сёння намеснік начальніка ўпраўлення Галоўнага ўпраўлення крымінальнага вышуку крымінальнай міліцыі МУС Аляксандр Турбан.
У кватэры, дзе жыла жанчына, аператыўнікі выявілі сляды, «якія дазволілі меркаваць пра здзяйсненне супрацьпраўных дзеянняў у дачыненні да мінчанкі».
Праз дзевяць дзён пасля знікнення, 24 лістапада, была заведзена крымінальная справа па ч.1 арт. 139 Крымінальнага кодэкса (Забойства).
Труп быў знойдзены ўчора ў адной з гаспадарчых пабудоў на тэрыторыі Вілейскага раёна.
«Складанасць заключалася ў тым, што злачынец зрабіў захады для ўтойвання. Акрамя таго, што цела было закапана, месца таксама было замаскіравана і не кідалася ў вочы - таму яго было немагчыма знайсці шляхам візуальнага назірання», — дадаў Турбан.
У выніку цела знайшлі з дапамогай геарадара.
«Па падазрэнні ў здзяйсненні злачынства, у дзень завядзення крымінальнай справы, быў затрыманы сужыцель зніклай, які першапачаткова заяўляў пра сваю недатычнасць», - распавёў намеснік начальніка ўпраўлення СК па Мінску Яўген Архірэеў.
Таксама абвінавачаны заяўляў пра алібі, хоць яно не пацвердзілася. Пазней ён прызнаўся, што закапаў цела ў Вілейскім раёне - але ў лесе (а не гаспабудове), чым пастаянна вадзіў следства па ілжывым следзе.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю6
Каментары