У Беларусі паштовыя адпраўленні можна будзе адсочваць праз мабільную праграму
У РУП «Белпошта» з'явіцца ўласная мабільная праграма, паведаміў сёння журналістам генеральны дырэктар прадпрыемства Уладзімір Матусевіч, перадае БелТА.
«У ліку нашых праектаў на бліжэйшую будучыню — зрабіць мабільную паштовую праграму. Карыстальнікам будзе даступны шэраг паслуг — ад адсочвання паштовых адпраўленняў да здзяйснення плацяжоў», — распавёў Матусевіч. Акрамя таго, праз яе можна будзе выклікаць паштовага кур'ера.
Кліентам «Белпошты» таксама стануць даступныя паслугі паштаматаў — прылад для адпраўкі і атрымання пасылак. Паштаматы ўжо тэстуюцца спецыялістамі. На першым этапе ў Мінску з'явіцца 11 такіх прылад, далей плануецца пашырыць сетку да 20.
У 2017 годзе «Белпошта» мае намер актыўна ўдзельнічаць у інтэрнэт-гандлі. «У бліжэйшы час наладзім супрацоўніцтва з шэрагам краін СНД, у першую чаргу, з Расіяй, каб арганізаваць магчымасць набыцця беларускіх тавараў, у тым ліку непасрэдна на нашай інтэрнэт-пляцоўцы», — растлумачыў Матусевіч.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары