U Biełarusi paštovyja adpraŭleńni možna budzie adsočvać praz mabilnuju prahramu
U RUP «Biełpošta» źjavicca ŭłasnaja mabilnaja prahrama, paviedamiŭ siońnia žurnalistam hienieralny dyrektar pradpryjemstva Uładzimir Matusievič, pieradaje BiełTA.
«U liku našych prajektaŭ na bližejšuju budučyniu — zrabić mabilnuju paštovuju prahramu. Karystalnikam budzie dastupny šerah pasłuh — ad adsočvańnia paštovych adpraŭleńniaŭ da ździajśnieńnia płaciažoŭ», — raspavioŭ Matusievič. Akramia taho, praź jaje možna budzie vyklikać paštovaha kurjera.
Klijentam «Biełpošty» taksama stanuć dastupnyja pasłuhi paštamataŭ — pryład dla adpraŭki i atrymańnia pasyłak. Paštamaty ŭžo testujucca śpiecyjalistami. Na pieršym etapie ŭ Minsku źjavicca 11 takich pryład, dalej płanujecca pašyryć sietku da 20.
U 2017 hodzie «Biełpošta» maje namier aktyŭna ŭdzielničać u internet-handli. «U bližejšy čas naładzim supracoŭnictva z šeraham krain SND, u pieršuju čarhu, z Rasijaj, kab arhanizavać mahčymaść nabyćcia biełaruskich tavaraŭ, u tym liku niepasredna na našaj internet-placoŭcy», — rastłumačyŭ Matusievič.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?88
Kamientary