У Мінску «Рэно», сыходзячы ад ДАІ, урэзаўся ў слуп: з салона дасталі хлопца, дзяўчыну і вожыка ФОТАФАКТ
У Мінску кіроўца на «Рэно» ўрэзаўся ў слуп. Здарэнне адбылося ўначы на скрыжаванні праспекта Незалежнасці і МКАД.
Фота МНС
Па словах відавочцаў, кіроўца «Рэно» сыходзіў ад пагоні ДАІ, не справіўся з кіраваннем і ўрэзаўся ў слуп. Як мяркуецца, 22-гадовы хлопец быў нецвярозы.
Каб дастаць кіроўцу і пасажырку, спатрэбілася дапамога ратавальнікаў. Хлопца з траўмамі перадалі хуткай, у бальніцу адправілі і дзяўчыну — ёй неабходна абследаванне.
У салоне аўтамабіля супрацоўнікі МНС выявілі… жывога вожыка: ён у аварыі не пацярпеў, вожыка выпусцілі ў найбліжэйшай лесапаласе.
Каментары