Аўтарка эпапеі пра «Гары Потэра» Джоан Роўлінг папрасіла прабачэння за гібель прафесара зеллеварэння Северуса Снэйпа ў ходзе бітвы за Хогвартс у фінальным томе сагі — «Дары Смерці».
2 мая фанаты «патэрыяны» адзначаюць «гадавіну» бітвы, у якой загінула нямала герояў кніг, піша ВВС.
«Сёлета я хацела б папрасіць прабачэння за забойства (шэпча)… Снэйпа», — напісала шатландская раманістка ў твітары.
OK, here it is. Please don't start flame wars over it, but this year I'd like to apologise for killing (whispers)... Snape. *runs for cover*
Раней пісьменніца выбачалася за «гібель» Фрэда Уізлі і пярэваратня Рымуса Люпіна.
Пры гэтым Роўлінг папрасіла фанатаў не сварыцца, ведаючы, што сваім твітам абудзіць супрацьстаянне паміж фанатамі выкладчыка зеллеварэння са Слізерына і яго непрымірымымі супернікамі.
Тым не менш, яе паведамленне не засталося незаўважаным: многія прыхільнікі серыі прыпісалі Снэйпу цкаванне вучняў, уключаючы самога Гары Потэра і Нэвіла Лангботама.
Нехта напісаў, што аўтарцы зусім не варта прасіць прабачэння за гібель Снэйпа.
У той жа час для шэрагу чытачоў эпапеі (і гледачоў экранізацыі) прафесар Северус — адзін з самых цікавых, шматслойных і неадназначных персанажаў.
Северус Снэйп з самага пачатку здзекліва ставіўся да галоўных герояў сагі і быў адным з самых непапулярных выкладчыкаў школы магіі Хогвартс, аднак, як пасля высветлілася, быў таемна закаханы ў маці Гары Потэра і выратаваў жыццё самому чараўніку ў акулярах.
У кінаэпапеі ролю Снэйпа выканаў бытанскі акцёр Алан Рыкман, які памёр летась.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары