У ноч на 6 лютага быў здзейснены крадзёж з праваслаўнага храма ў пасёлку Бобр (Крупскі раён). Міліцыя па гарачых слядах затрымала падазраванага. Пра гэта паведамляе УУС Мінаблвыканкама.
Службова-вышуковая сабака Герда аддзела Дэпартамента аховы ўзяла след, але ён згубіўся ля першай жа буйной дарогі.
Паралельна працавалі супрацоўнікі крымінальнага вышуку. Менавіта да іх паступіла інфармацыя аб тым, што нядаўна ля аднаго з дамоў пасёлка быў заўважаны падазроны немясцовы мужчына з торбамі. На месца выехалі аператыўнікі. Незнаёмца затрымаць ужо не паспелі, затое знайшліся яго сляды.
Герда зноў узяла след, на гэты раз ужо больш упэўнена. Група ўслед за сабакам ішла да ўскраіны пасёлка. Ужо на полі міліцыянты ўбачылі фігуру чалавека з цяжкімі торбамі. Мужчына рухаўся ў кірунку вёскі Пліса. Неўзабаве яго затрымалі. У яго торбах былі знойдзена скрадзенае — царкоўныя рэчы і будаўнічыя інструменты.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары