У бабруйчанкі пакацілі торбу з прадуктамі, якую яна пакінула на некалькі хвілін каля банка
Пенсіянерка пакінула торбу літаральна на некалькі хвілін каля аддзялення банка, таму што ісці з ёй было цяжка.
14 верасня 60-гадовая бабруйчанка купіла ў краме прадукты на суму 90,32 рубля. Вырашыла па дарозе зайсці ў аддзяленне банка. Вялікую сумку на колцах з прадуктамі пакінула ля ўваходу, таму што ісці з ёй было нязручна. Жанчына адсутнічала некалькі хвілін, а калі вярнулася, торбы ўжо не было. Пенсіянерка патэлефанавала ў міліцыю.
Знайсці злодзея атрымалася хутка дзякуючы камерам відэаназірання. 39-гадовы бабруйчанін заходзіў у аддзяленне банка, выйшаў, убачыў торбу без нагляду і скраў яе.
Затрымалі падазраванага ў той жа дзень, выкрадзенае канфіскавалі. У дачыненні да мужчыны распачалі крымінальную справу па частцы 1 артыкула 205 (Таемнае выкраданне маёмасці — крадзеж). Яму пагражае да 3 гадоў турмы.
Каментары