Партыя венгерскага прэм'ер-міністра «Фідэс» не далучыцца да еўраскептычнага альянсу, што ўзначальвае Італію, перад майскімі выбарамі ў Еўрапарламент. Робіцца гэта нягледзячы на агульную з віцэ-прэм'ерам Італіі Матэа Сальвіні антыімігранцкую пазіцыю. Пра гэта заявіў дзяржсакратар Венгрыі па справах ЕС Сабальч Такач, піша Reuters.
«Тут няма схаванага парадку дня. Адзінае, што гэтыя два палітыкі, Сальвіні і Орбан, маюць вельмі падобны, калі не ідэнтычны, падыход да вырашэння міграцыйных праблем», — сказаў Такач.
У групу ультраправых ЕП «Еўропа нацый і свабод» уваходзяць французскі «Нацыянальны сход» Марын Лё Пэн, аўстрыйская Партыя свабоды, «Ліга» Сальвіні. Ён вядзе перамовы з польскай уладнай партыяй «Права і справядлівасць» (PiS) аб яе далучэнні да групы. Сальвіні пераканаў далучыцца таксама галандскую ўльтраправую партыю свабоды (PVV).
«І PiS ў Польшчы, і «Ліга»у Італіі не з'яўляюцца членамі ЕНП, тады як «Фідэс» з'яўляецца членам ЕНП. Гэта вельмі дакладна вызначае наша месца і нашу пазіцыю», — сказаў Такач. «Венгрыя не ўдзельнічае ў гэтым супрацоўніцтве па кампаніі ў Еўрапарламент».
Такач таксама заявіў, што Венгрыя цвёрда падтрымала кандыдатуру Манфрэда Вэбера як наступнага прэзідэнта Еўрапейскай камісіі.
Цяпер чытаюць
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну5
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары