Учора ў Воранаўскі РАУС паступіла паведамленне ад жанчыны аб тым, што знік яе 62-гадовы муж, перадае абласная міліцыя.
Гэтая гісторыя знікнення пачалася з таго, што 16 красавіка да 11:30 раніцы на сваім працоўным месцы ў аграгарадку Жырмуны Мечыслаў Браніслававіч Швед вырашаў службовыя пытанні. А пазней сеў у службовы аўтамабіль ВАЗ 2107 белага колеру дзяржнумар 7315 САТ і з'ехаў у невядомым кірунку. Зараз мабільны тэлефон зніклага недасяжны.
Па камерах відэаназірання ўдалося вызначыць, што мужчына заходзіў у прадуктовую краму ў аграгарадку Жырмуны, купіў два пачкі цыгарэт, а пасля сеў у машыну і накіраваўся ў бок Воранава.
Вядома, што мужчына спіртнымі напоямі не злоўжывае, не курыць (хаця купіў цыгарэты), на працягу апошніх некалькіх гадоў меў праблемы з сэрцам.
Далей у ходзе аператыўна-вышуковых мерапрыемстваў было выяўлена, што ў дзень знікнення, але ўжо каля 6 гадзін вечара жыхар вёскі Крыніцы Лідскага раёна заўважыў зніклага старшыню сельсавета, калі той праязджаў на службовай «сямёрцы» па вёсцы. Машына накіроўвалася ў бок вёскі Дворышча. Пасля гэтага мужчыну ніхто не бачыў.
Прыкметы: на выгляд каля 60—65 гадоў, рост каля 165—170 см, шчыльнага целаскладу, валасы карычневага колеру з праборам на правы бок, твар светлы, вочы цёмныя. Асаблівыя прыкметы: фарбаваныя валасы. Быў апрануты: куртка з кожзамяняльніка карычневага колеру з чорным каўняром, штаны цёмнага колеру, туфлі чорныя без шнуроўкі, кашуля цёмна-сіняга колеру.Калі вам што-небудзь вядома пра месцазнаходжанне Мечыслава Шведа, патэлефануеце па тэлефонах 8 (044) 767-23-62 альбо 102.
Міліцыя дадае, што сваякі зніклага Мечыслава Браніслававіча вельмі перажываюць і просяць яго хутчэй вярнуцца дадому.
Дзядок расказаў, як паводзіў бы сябе ў сённяшняй Беларусі і што будзе далей5
Каментары