Жыхар Мічыгана Говард Кірбі ў канцы снежня 2019 года набыў старую канапу. Ён карыстаўся ёй два тыдні, але ўвесь гэты час адчуваў дыскамфорт, паведамляе CBS.
Мужчына распавёў аб нязручнасцях сваёй дачцэ — разам яны вырашылі зняць абіўку з канапы і паглядзець, што так перашкаджае Говарду сядзець.
Унутры канапы была схаваная бляшаная скрынка з гатоўкай. Усяго ў ёй ляжала 43 тысячы даляраў.
Говард звязаўся з уладальнікам крамы і даведаўся, хто прадаў яму гэтую канапу.
Аказалася, што мэбля належала пажылому мужчыну, які нядаўна памёр. А яго родныя аднеслі канапу на распродаж, нават не здагадваючыся пра схованку.
Кірбі звязаўся са сваякамі нябожчыка дзядулі і перадаў ім скрынку з грашыма.
Цяпер чытаюць
Загнуўся бізнэс члена хакейнай каманды Лукашэнкі, які абяцаў пабудаваць лыжны манеж за Вярхоўным судом узамен на ласыя ўчасткі3
Каментары