Літва Беларусі: Калі будзе цікавасць, то можна разгледзець і пастаўку газу
Кіраўнік МЗС Літвы Лінас Лінкявічус у пачатку лютага плануе наведаць Мінск, дзе ён мае намер прапанаваць Беларусі альтэрнатыву імпарту як нафты, так і газу, піша Interfax.by.
«Мы зацікаўлены ў тым, каб Беларусь дыверсіфікавала крыніцы паставак энерганосьбітаў, і адзін з такіх прыкладаў — выкарыстанне Клайпедскага порта і Літоўскіх чыгунак. Калі будзе цікавасць, то можна будзе таксама разгледзець і пытанні паставак газу», — заявіў Лінкявічус агенцтву BNS у аўторак.
Паводле яго слоў, «гэтыя пытанні можна будзе абмеркаваць падчас майго візіту ў Мінск, нароўні з іншымі актуальнымі пытаннямі нашага парадку работы».
Як паведамлялася, на фоне нафтавага крызісу ў адносінах з Расіяй «Беларуская нафтавая кампанія» (БНК) купіла партыю нарвежскай нафты Johan Sverdrup аб'ёмам 80 тыс. тон з пастаўкай у літоўскую Клайпеду для наваполацкага НПЗ «Нафтан». Нафту з порта Клайпеда даставіць на ААТ «Нафтан» літоўскае дзяржпрадпрыемства Lietuvos gelezinkeliai («Літоўскія чыгункі»).
Як паведамлялася, Беларусь напярэдадні Новага года не змагла дамовіцца з расійскімі нафтавымі кампаніямі аб умовах пастаўкі нафты з 1 студзеня 2020 года. Аляксандр Лукашэнка 31 снежня распарадзіўся ў найбліжэйшыя дні пачаць імпарт нафты ад альтэрнатыўных пастаўшчыкоў.
Беларусь купіла першую партыю нафты з нарвежскага радовішча
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары