Litva Biełarusi: Kali budzie cikavaść, to možna razhledzieć i pastaŭku hazu
Kiraŭnik MZS Litvy Linas Linkiavičus u pačatku lutaha płanuje naviedać Minsk, dzie jon maje namier prapanavać Biełarusi alternatyvu impartu jak nafty, tak i hazu, piša Interfax.by.
«My zacikaŭleny ŭ tym, kab Biełaruś dyviersifikavała krynicy pastavak enierhanośbitaŭ, i adzin z takich prykładaŭ — vykarystańnie Kłajpiedskaha porta i Litoŭskich čyhunak. Kali budzie cikavaść, to možna budzie taksama razhledzieć i pytańni pastavak hazu», — zajaviŭ Linkiavičus ahienctvu BNS u aŭtorak.
Pavodle jaho słoŭ, «hetyja pytańni možna budzie abmierkavać padčas majho vizitu ŭ Minsk, naroŭni ź inšymi aktualnymi pytańniami našaha paradku raboty».
Jak paviedamlałasia, na fonie naftavaha kryzisu ŭ adnosinach z Rasijaj «Biełaruskaja naftavaja kampanija» (BNK) kupiła partyju narviežskaj nafty Johan Sverdrup abjomam 80 tys. ton z pastaŭkaj u litoŭskuju Kłajpiedu dla navapołackaha NPZ «Naftan». Naftu z porta Kłajpieda dastavić na AAT «Naftan» litoŭskaje dziaržpradpryjemstva Lietuvos gelezinkeliai («Litoŭskija čyhunki»).
Jak paviedamlałasia, Biełaruś napiaredadni Novaha hoda nie zmahła damovicca z rasijskimi naftavymi kampanijami ab umovach pastaŭki nafty z 1 studzienia 2020 hoda. Alaksandr Łukašenka 31 śniežnia rasparadziŭsia ŭ najbližejšyja dni pačać impart nafty ad alternatyŭnych pastaŭščykoŭ.
Kamientary