Дзяржаўны сакратар Савета бяспекі Беларусі Андрэй Раўкоў па ініцыятыве амерыканскага боку прыняў 29 студзеня часовага паверанага ў справах ЗША ў Мінску Джэніфер Мур і ваенных аташэ ЗША, Германіі і Польшчы, якія суправаджалі яе, піша БелТА.
На сустрэчы абмеркаваны пытанні беларуска-амерыканскага ўзаемадзеяння, а таксама закрануты праблемы міжнароднай і рэгіянальнай бяспекі ў кантэксце планаў правядзення маштабных вайсковых вучэнняў «Абаронца Еўропы — 2020» з удзелам падраздзяленняў узброеных сіл ЗША і шэрагу еўрапейскіх краін — членаў НАТА.
Замежныя партнёры падрабязна расказалі аб падрыхтоўцы да перакідкі і разварочвання прыцягнутых воінскіх падраздзяленняў у рамках будучых манеўраў.
З боку Джэніфер Мур і вайсковых аташэ краін НАТА пацверджана гатоўнасць прадэманстраваць максімальную транспарэнтнасць вучэнняў «Абаронца Еўропы — 2020» у духу дзеючых міжнародных пагадненняў і абавязацельстваў па мерах даверу і бяспекі.
Прапагандысты запэўніваюць, што 196 палітвязняў ужо на свабодзе8
Каментары