«Лукашэнка становіцца Ціта»? Што амерыканскія эксперты думаюць пра Беларусь
У эфіры амерыканскага грамадскага радыё NPR прагучала перадача, прысвечаная адносінам Беларусі і ЗША. У ёй узялі ўдзел былы памочнік дзяржсакратара ЗША (пры Джорджу Бушу) Дэніэл Фрыд, супрацоўніца праваабарончай арганізацыі Freedom House Сафія Арлоскі і прэзідэнт Jamestown Foundation Глен Гоўвард, перадае Радыё Свабода.
Дыскусію вяла журналістка Мішэль Кэлеман, спецыялістка па пытаннях Усходняй Еўропы.
На пачатку перадачы вядучая нагадала, што Беларусь — адна з самых рэпрэсіўных краін Еўропы і што ёй ужо чвэрць стагоддзя кіруе адзін чалавек. «Дык чаму адміністрацыя Трампа імкнецца палепшыць сувязі з ім цяпер?» — задала пытанне Кэлеман.
Пра ўплыў на Беларусь
Ціск не спрацаваў. Інфармацыйны ўплыў не спрацаваў. Давайце праяснім, што з Беларуссю нічога не атрымалася. Таму што гэтая адміністрацыя спрабуе зноў. Мае чаканні асцярожныя, і я не збіраюся асуджаць іх за гэта. (Дэніэл Фрыд)
Пра незалежнасць
«Пакуль Беларусь захоўвае свой суверэнітэт нават пры мясцовым дэспаце, гэта не канец. Пакуль ёсць жыццё, ёсць надзея, і будучыня можа быць іншай. Але калі Расея паглыне Беларусь, гульня скончыцца — і эпік фэйл [поўны крах]». (Дэніэл Фрыд)
Пра абмен амбасадарамі
Гэта сапраўды карысна для людзей у Злучаных Штатах і Беларусі. Але ў той жа час мы бачым, што ЗША сталі больш мяккімі ў пытаннях правоў чалавека і дэмакратыі, і гэта двухбаковае ўзаемадзеянне з Беларуссю. І гэта, вядома, падстава для непакою, таму што там насамрэч не становіцца лепш. (Сафія Арлоскі)
Пра «апошняга дыктатара Еўропы»
У яго ёсць пачуццё гумару, і ён неяк раней жартаваў, што ён ужо не апошні дыктатар Еўропы. Ён сказаў: я цяпер побач з апошнім. Ён ведае расейскую псіхіку і ведае, што прыярытэтамі Пуціна з'яўляецца славянскае памежжа Расеі, Украіны і Беларусі. (Глен Гоўвард)
Пра «патрэбнага дыктатара»
Часам патрэбен такі чалавек, як Ціта (югаслаўскі дыктатар — РС), каб супрацьстаяць Сталіну (або Пуціну). У гэтым выпадку ў вас ёсць нехта Лукашэнка, які становіцца Ціта, які абараняе наш Усходні фланг ад гэтага расейскага ўварвання ў рэгіён, які вельмі, вельмі стратэгічна важны. (Глен Гоўвард)
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося27
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары