Зяленскі абвінаваціў канал Каламойскага ў незаконнай публікацыі размовы прэм'ера Украіны
Прэзідэнт Украіны Уладзімір Зяленскі расказаў, што запісы размоваў прэм'ер-міністра краіны Аляксея Ганчарука былі загружаныя ў інтэрнэт з тэхнікі ў рэдакцыі тэлеканала «1+1», які належыць алігарху Ігару Каламойскаму. Пра гэта Зяленскі заявіў падчас наведвання шахты ў Львоўскай вобласці.
«На жаль, у «Грошай» [рэдакцыя праграмы «Гроші» на «1+1»] ператрус з-за таго, што, наколькі мне вядома, менавіта з той тэхнікі гэтая інфармацыя, гэтыя запісы былі загружаныя ў інтэрнэт. Шукаюць, хто пісаў, хто замовіў і хто гэта ў інтэрнэт выкінуў. Я так разумею, што знайшлі, хто гэта ў інтэрнэт выкінуў», — сказаў Зяленскі.
Па словах прэзідэнта Украіны, яму вельмі шкада, што ў журналістаў ператрусы, але ён не можа ўмешвацца ў расследаванне.
Раней, 15 студзеня, у сетцы апублікавалі аўдыёзапісы, на якіх нібыта ўкраінскі прэм'ер Ганчарук прызнаецца, што «поўны прафан у эканоміцы». Той самы голас кажа, што ў Зяленскага «прымітыўнае разуменне эканамічных працэсаў» і яму трэба тлумачыць іх.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1919
Каментары