Як перадае euronews.com, на 50 кіламетраў распасціраецца затор з велікагрузных аўтамабіляў на мяжы Польшчы і Літвы. Варшава некалькі дзён таму рэзка скараціла колькасць пунктаў пропуску з усімі суседзямі, а замежнікам уязджаць у краіну цяпер забаронена.
Праз Польшчу праходзіць велізарная колькасць транзітных рэйсаў паміж Заходняй Еўропай і краінамі Балтыі, Беларуссю, Украінай, Расіяй. Цяпер кіроўцы з гэтых краін фактычна апынуліся ў пастцы.
Прэм'ер-міністра Літвы Саўлюс Скверняліс выказаў занепакоенасць сітуацыяй: «Калі польскі бок не павялічыць прапускную здольнасць, гэта скончыцца трагедыяй. Цалкам магчыма адкрыць дадатковыя пункты пропуску, але перамовы з польскім бокам ідуць вельмі цяжка».
Напярэдадні балтыйскім краінам удалося дамовіцца з Польшчай пра пропуск сваіх грамадзян, «якія захраслі» на мяжы з Германіяй. Эстонцы, літоўцы і латвійцы перыядычна адпраўляюцца праз польскую тэрыторыю ў складзе канвояў пад аховай паліцыі. Частку людзей забралі паромам.
Аднак фуры і іх кіроўцы па-ранейшаму вымушаныя прастойваць у вялізных чэргах, якія налічваюць па некалькі тысяч машын.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было44
Каментары