Пул першага: Калеснікаву на сустрэчу з Лукашэнкам у СІЗА не запрашалі
Блізкі да прэс-службы Лукашэнкі тэлеграм-канал «Пул першага» паведамляе, што Марыю Калеснікаву на сустрэчу з Аляксандрам Лукашэнкам, што прайшла ў суботу ў СІЗА КДБ, не запрашалі.
Адвакат Марыі Калеснікавай Аляксандр Пыльчанка ўчора распавёў, што ў пятніцу да яе прыязджалі двое мужчын і размаўлялі з ёй на гэтую тэму.
«Аказваецца, у пятніцу да Марыі прыязджалі двое мілавідных мужчын, як яна сказала, і размаўлялі з ёй на гэтую тэму, ці не хочаце паразмаўляць [з Лукашэнкам]. Марыя такая крэатыўная дзяўчына, відаць, іх трошкі напалохала. Сказала: ну чаго цяпер кантактаваць, паўтара месяца таму мы прапаноўвалі ўсё гэта спыніць [гвалт], цяпер усё ў турме або выдвараныя з краіны. Да таго ж, вы не прадставіліся, хопіць, мяне ўжо павазілі па Беларусі паўтара сутак і я не ведала, дзе знаходжуся. Вось калі прадставяцца людзі, скажуць, хто яны і куды вязуць, каб я не баялася ехаць. Цяпер, сказала, у Жодзіне ў ізалятары ёй спакайней, чым ездзіць з незнаёмымі людзьмі, — распавёў Пыльчанка.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося35
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары