Праваабаронцы звярнуліся да спецдакладчыка ААН наконт сітуацыі вакол палітвязня Вячаслава Рагашчука
Праваабаронцы звярнуліся да спецыяльных дакладчыкаў ААН з нагоды пагаршэння стану здароўя палітвязня Вячаслава Рагашчука, які ўтрымліваецца ў СІЗА-6 у Баранавічах у рамках крымінальнай справы аб масавых беспарадках у Пінску.
Праваабаронцы заклікалі да ўмяшальніцтва спецдакладчыцы па пытанні аб становішчы ў галіне правоў чалавека ў Беларусі Анаіс Марын і спецдакладчыка па пытанні аб катаваннях і іншых жорсткіх, бесчалавечных або прыніжаючых годнасць відах абыходжання і пакарання Нільса Мельцэра ў сітуацыю з нагоды неаказання палітвязню медыцынскай дапамогі ў ізалятары.
Здароўе Вячаслава Рагашчука знаходзіцца ў небяспецы. У кожным лісце палітвязень Вячаслаў Рагашчук піша пра пагаршэнне свайго здароўя, паведамляе spring96.org.
Каля месяца таму Вячаслаў напісаў родным, што ў ізалятары яму дыягнаставалі «кровазліццё, страсенне мозгу або траўму галавы» альбо «мікраінсульт». У лісце ад 4 лістапада ён піша, што стан яго здароўя пагаршаецца. Ён напісаў сваёй сястры Кацярыне, што ў яго дранцвеюць пальцы на руках, ён перастае адчуваць руку, амаль не адкрываецца правае вока. Палітвязень скардзіцца па-ранейшаму на звон у галаве, болі ў баку жывата.
Пры такіх абставінах ён можа пазбавіцца працаздольнасці.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося35
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары