Міжнародная сетка будаўнічых крам Leroy Merlin ліквідуе сваю юрыдычную асобу ў Беларусі. Кампанія «Леруа Мерлен Бел» рэгістравалася ў Мінску ў 2015 годзе, але ніводнай крамы так і не адкрыла.
Leroy Merlin рыхтавала да адкрыцця гіпермаркет у раёне рынка ў Ждановічах на ўскраіне Мінска. У лістападзе 2020 года стала вядома, што сетка прыпыняе адкрыццё крамы на нявызначаны тэрмін. Але гаворка пра закрыццё «дочкі» не вялася.
Чакалася, што сам гіпермаркет зойме 10 тысяч квадратаў, яшчэ 2 тысячы пойдуць пад склад, а пад вулічны павільён для аддзела «Сад» рэзервавалася 1 тысяча квадратаў.
Leroy Merlin — міжнародная сетка крам для будаўніцтва, аздаблення і ўладкавання дома, дачы і саду.
Гэтая сетка — частка GROUPE ADEO, найбуйнейшага ў Еўропе рытэйлера сектара DIY. У Leroy Merlin ёсць больш за 460 крам у 14 краінах.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары