Урад Украіны выдзеліць паўмільярда еўра, каб захаваць авіязлучэнне са светам
Урад Украіны прыняў пастанову аб выдзяленні больш за 16 мільярдаў грыўняў, каб пазбегнуць спынення міжнародных авіязносін з 14 лютага.
«Урад выдзеліць 16,6 млрд грыўняў (0,52 млрд еўра), каб гарантаваць бесперабойнасць палётаў у паветранай прасторы Украіны», — паведаміў у нядзелю прэм'ер-міністр Дзяніс Шмыгаль.
Ён заявіў, што ў нядзелю на пазачарговым пасяджэнні прынялі змены да выкарыстання сродкаў Рэзервовага фонду дзяржаўнага бюджэту. Таксама грошы выдзелілі для гарантавання бяспекі палётаў ва Украіне для страхавых і лізінгавых кампаній.
«Гэта рашэнне дазволіць стабілізаваць сітуацыю на рынку пасажырскіх авіяперавозак і гарантаваць вяртанне ва Украіну нашых грамадзян, якія цяпер знаходзяцца за мяжой», — дадаў Шмыгаль.
Раней паведамлялася, што з-за пагрозы ўварвання Расіі ва Украіну з 14 лютага страхавыя кампаніі маглі спыніць страхаванне палётаў над Украінай, што магло прывесці да адмены большасці рэйсаў.
Кіеў настойваў на тым, што закрыць авіяцыйную прастору можа толькі сама Украіна, аднак з-за праблем са страхаваннем рэйсы маглі адмяніць самі авіякампаніі.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося26
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі99
Каментары