37‑гадовы грамадзянін Грузіі папрасіў прытулку ў Беларусі.
Як паведамілі БелаПАН у Дзяржаўным пагранічным камітэце, з такой просьбай мужчына, які накіроўваўся 11 жніўня з Украіны ў Беларусь праз пункт пропуску «Макраны», звярнуўся да пагранічнікаў Брэсцкай пагранічнай групы.
Замежны грамадзянін перададзены ў падраздзяленне па грамадзянстве і міграцыі УУС Брэсцкага аблвыканкама.
Варта адзначыць, што Дзяржпагранкамітэт Беларусі канстатуе павелічэнне апошнім часам патоку грузінскіх грамадзян праз беларускую мяжу з мэтай легальнага або нелегальнага пранікання ў краіны Еўрасаюза. Так, за апошні месяц на ўчастку Брэсцкай пагрангрупы ў Польшчу праз пункты пропуску толькі ва ўстаноўленым парадку прайшло больш як 1.200 грамадзян Грузіі. Аднак, згодна са статыстыкай, польскі бок прапускае на сваю тэрыторыю толькі палову такіх асоб.
Каментары