2 верасня. У «Рэактары». «Drum Ecstasy», «Нейро Дюбель», «Крама», «Безбилета»...
Чарговы фэст «Рок па вакацыях» адбудзецца ў мінскім клубе «Рэактар» (В.Харужай, 29) 2 верасня (серада). 4 гадзіны жывога року ад «Drum Ecstasy», «Нейро Дюбеля», «Крамы», «Безбилета», «Авангардшколы» і «Зьмяі».
«Мы высцерагаліся вопыту сёлетняга фестывалю на вольным паветры Bela-mus'09, — кажа Павал Кашырын, арганізатар фэсту. — Як гэта, на рок-фестывалі нельга піць піва і паліць? Таму мы вырашылі, што сёлета фэст правядзем у закрытым клубе. «Рэактар» — пасоўнае месца для такіх імпрэзаў: вялікая заля і добры гук».
Фестываль аднаго дня «Рок па вакацыях» быў надзвычай папулярны ў 90-х. Упершыню ён быў праведзены ў Парку Чалюскінцаў у 1993 годзе. Тады ідэю бавіцца ракэнролам і не сумаваць з нагоды сканчэння канікулаў і пачатку навучальнага году патрымалі сваёй прысутнасцю некалькі тысячаў студэнтаў і школьнікаў. Усяго адбылося 4 фэстывалі.
Удзел у фэсце бралі на піку сваёй папулярнасці «Мроя», «Уліс», Крама, «Новае Неба», «Рублёвая зона» і«Зарціпо». Цяжка паверыць: тады канцэрты нават здымала БТ. Фестываль «Рок па вакацыях» аднавілі ў 2008 годзе Год таму пад дахам КЗ «Мінск» спявалі «Крама», «Нейро дюбель», «Тарпач», «Куклы», «Грюнвальд», «Фляус и Кляйн», «Детидетей», «Уліс», «Кальмары», «Шпіталь Ф» і «Тлуста луста».
«Сёлета некаторыя гурты: NRM, J-Mopc i The Toobes з аб'ектыўных прычынаў не змогуць удзельнічаць, — дадае Кашырын. — Але мы запрашалі ўсіх найлепшых: ідэя была, каб выступілі тыя, хто адлюстроўвае найлепшыя ўзоры айчынный рок-музыкі».
-
У Гродне вырашаюць, як аднавіць Каложу, каб яе не адмовіліся ўзяць у спіс ЮНЕСКА
-
Такога дзіцячага садка вы яшчэ не бачылі. Яго спраектаваў лаўрэат «архітэктурнага Нобеля»
-
Страчвала прытомнасць ад голаду, зарабляла на жыццё масажам — захапляльныя факты з біяграфіі Алаізы Пашкевіч, якой сёння 150 гадоў
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары