Латвійскі мільянер рэалізаваў у наваколлях горада Цэсіс фантастычны праект, пабудаваўшы Вёску Сонца.
Латвійскі мільянер рэалізаваў у наваколлях горада Цэсіс (90 км на паўночны ўсход ад Рыгі) фантастычны праект.
Выкупіўшы тры тысячы гектараў лесу ён пабудаваў «Вёску Сонца», дзе дзейнічаюць асаблівыя правілы і людзі вядуць зусім іншы распарадак жыцця.
Па‑першае. Трохпавярховыя дамы з экалагічна чыстых матэрыялаў пабудаваны такім чынам з улікам рэльефу мясцовасці, што з вокнаў кожнага асобнага дому не бачныя іншыя дамы.
Па‑другое. Каля кожнага з 300 дамкоў ёсць невялічкае возера і лес, якія ўваходзяць у кошт дзялкі (ад 0,4 да 1,3 га кожны).
Па‑трэцяе, усе дамы абсталяваныя цэнтральнай каналізацыяй (пракладзенай спецтэхнікай пад каранямі соснаў і ялінаў!), высокахуткасным інтэрнэтам, электраэнергіяй, а ў кожным доме ёсць геатэрмальны цеплавы насос са свідравінай 90‑100 м, які ператварае энергію зямлі ў цеплаэнергію. Гэтай цеплаэнергіі круглы год дастаткова для абагрэву дому і падагрэву гарачай вады, і толькі ў лютыя зімнія дні трэба распаліць камін, які таксама ёсць у кожным доме. Вываз смецця і іншыя гарадскія зручнасці таксама ёсць.
Па‑чацвёртае. У лясным горадзе асобныя правілы — напрыклад, няма ніводнага плоту (забаронена) і таксама забаронена трымаць на ланцугу сабак — толькі ў доме. Казулі і іншая жыўнасць свабодна бродзяць па «горадзе», а брэху сабак проста не бывае.
Для расійскіх пакупнікоў гаспадар «гораду» прапануе асаблівыя ўмовы — пры продажы надзелу з домам, кожны з якіх мае не проста адрас, а назву, надзел можна аформіць як «вытворчае памяшканне». Гэта дае права на круглагадавы «шэнген».
З 300 надзелаў прададзеныя пакуль 150. Напрыклад, надзел Цілбіцес з трохпавярховым домам з усімі зручнасцямі, возерам і лесам плошчай 0,44 га каштуе 94 000 еўра.
Адрас «Вёскі сонца»
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары