У панядзелак на пасяджэнні Беларуска‑венесуэльскай сумеснай камісіі высокага ўзроўню падпісана дапаўненне да ўстаноўчых дакументаў аб стварэнні сумеснага прадпрыемства па здабычы нафты «Петралера БелаВенесалана» ў сувязі з далучэннем да яго трох новых радовішчаў (Лагунільяс‑блок 2, Остра, Арытупана Нортэ).
Акрамя гэтага, беларускі і венесуэльскі бакі падпісалі Мемарандум аб узаемаразуменні паміж Міністэрствам па ахове навакольнага асяроддзя Венесуэлы і Дзяржкаммаёмасці Беларусі, Мемарандум аб вывучэнні газавых радовішчаў, а таксама Пратакол аб намерах паміж Беларускім металургічным заводам і венесуэльскай кампаніяй Bariven.
Завяршаючы пасяджэнне, памочнік прэзідэнта Беларусі па асаблівых даручэннях Віктар Шэйман падкрэсліў, «вельмі важна, каб усё, аб чым мы дамовіліся, як мага хутчэй было ажыццёўлена».
Як паведаміў журналістам першы віцэ‑прэм’ер Беларусі Уладзімір Сямашка, бакамі таксама дасягнута дамоўленасць аб падпісанні рабочага графіка, у адпаведнасці з якім да канца бягучага года прадугледжваецца завяршэнне праектных работ па будаўніцтве заводаў з удзелам беларусаў на венесуэльскай тэрыторыі, а да канца 2010 года плануецца завяршыць будаўніцтва заводаў па вытворчасці грузавікоў (магутнасцю да 5 тыс.) і аўтатрактароў (магутнасцю да 10 тыс.).
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары