Вынеслі прысуды па справе фонду «Краіна для жыцця» — да васьмі гадоў калоніі
Мінскі гарадскі суд 11 лістапада агучыў прысуды паводле справы фонду «Краіна для жыцця» Антону Сташэўскаму і Марыне Дуброўскай. Іх адправілі ў калонію, паведамляе «Вясна».
Па справе праходзілі валанцёры фонду Антон Сташэўскі, Юлія Сырых, Таццяна Астроўская і давераная асоба Святланы Ціханоўскай — Марына Дуброўская.
Усіх іх затрымалі 9 ліпеня 2021 года ў рамках «шырокамаштабнай аперацыі КДБ па зачыстцы ад радыкальна настроеных асоб» і адправілі ў СІЗА. Спачатку ім выставілі абвінавачванне па арт. 361-2 КК (фінансаванне экстрэмісцкага фарміравання).
Дуброўскую ў лістападзе 2021-га перавялі пад хатні арышт. Пасля 10 месяцаў у СІЗА Астроўскай і Сырых перакваліфікавалі абвінавачванне, змянілі меру стрымання і вызвалілі з-пад варты. Яны змаглі з'ехаць з Беларусі, іх абвясцілі ў вышук і справу супраць іх вылучылі ў асобную вытворчасць. За кратамі застаўся адзін Сташэўскі.
Канчатковае абвінавачванне Антону Сташэўскаму было выстаўленае паводле ч.1 арт. 357 КК (змова з мэтай захопу ўлады), а Марыне Дуброўскай — паводле ч. 2 арт. 342 КК (навучанне і падрыхтоўка асоб да ўдзелу ў пратэстах, фінансаванне пратэстаў).
У выніку суддзя Дзіна Кучук прызначыла Антону Сташэўскаму 8 гадоў пазбаўлення волі ў калоніі строгага рэжыму. Марыну Дуброўскую прысудзілі да 1,5 года калоніі, нягледзячы на тое, што ў жанчыны маленькае дзіця. Ёй надзелі кайданкі проста ў зале суда.
Прапагандысты запэўніваюць, што 196 палітвязняў ужо на свабодзе9
Каментары