Vynieśli prysudy pa spravie fondu «Kraina dla žyćcia» — da vaśmi hadoŭ kałonii
Minski haradski sud 11 listapada ahučyŭ prysudy pavodle spravy fondu «Kraina dla žyćcia» Antonu Stašeŭskamu i Marynie Dubroŭskaj. Ich adpravili ŭ kałoniju, paviedamlaje «Viasna».
Pa spravie prachodzili vałanciory fondu Anton Stašeŭski, Julija Syrych, Taćciana Astroŭskaja i davieranaja asoba Śviatłany Cichanoŭskaj — Maryna Dubroŭskaja.
Usich ich zatrymali 9 lipienia 2021 hoda ŭ ramkach «šyrokamaštabnaj apieracyi KDB pa začystcy ad radykalna nastrojenych asob» i adpravili ŭ SIZA. Spačatku im vystavili abvinavačvańnie pa art. 361-2 KK (finansavańnie ekstremisckaha farmiravańnia).
Dubroŭskuju ŭ listapadzie 2021-ha pieraviali pad chatni aryšt. Paśla 10 miesiacaŭ u SIZA Astroŭskaj i Syrych pierakvalifikavali abvinavačvańnie, źmianili mieru strymańnia i vyzvalili z-pad varty. Jany zmahli źjechać ź Biełarusi, ich abviaścili ŭ vyšuk i spravu suprać ich vyłučyli ŭ asobnuju vytvorčaść. Za kratami zastaŭsia adzin Stašeŭski.
Kančatkovaje abvinavačvańnie Antonu Stašeŭskamu było vystaŭlenaje pavodle č.1 art. 357 KK (zmova z metaj zachopu ŭłady), a Marynie Dubroŭskaj — pavodle č. 2 art. 342 KK (navučańnie i padrychtoŭka asob da ŭdziełu ŭ pratestach, finansavańnie pratestaŭ).
U vyniku sudździa Dzina Kučuk pryznačyła Antonu Stašeŭskamu 8 hadoŭ pazbaŭleńnia voli ŭ kałonii strohaha režymu. Marynu Dubroŭskuju prysudzili da 1,5 hoda kałonii, niahledziačy na toje, što ŭ žančyny maleńkaje dzicia. Joj nadzieli kajdanki prosta ŭ zale suda.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary