Цяпер афіцыйна. Выдавецтва «Янушкевіч» пазбаўлена права выдаваць кнігі ў Беларусі
Пра гэта паведаміў Андрэй Янушкевіч на сваёй старонцы ў фэйсбуку.
«Цяпер цалкам афіцыйна вядома, што выдавецтва «Янушкевіч» пазбаўлена права выдаваць кнігі ў Рэспубліцы Беларусь.
Больш недальнабачнага, антыкультурнага, антыбеларускага кроку з боку Міністэрства інфармацыі ўявіць сабе было цяжка. Падзенне ў «Западно-Русскій край» ідзе поўным ходам.
Нічога ж не губляем, за намі Масква! У Беларусі дзеці і дарослыя не ўбачаць новых кніг пра Гары Потэра, Ведзьмара, Гаспадара Ледзянога Саду. Не будзе выданняў нобелеўскіх лаўрэатаў, бо ж менавіта дзякуючы нам загучалі па-беларуску такія «шкодныя» галасы Маркеса, Памука, Ісігура і Мюлер. Нашто жыхарам Беларусі шведскія і польскія дэтэктывы па-беларуску, фантастыка і фэнтэзі ад прызнаных майстроў жанру?
Адказна заяўляю, што ніводнай экстрэмісцкай кнігі мы не выдалі. Кожная наша кніга мае свае мастацкія, навуковыя і пазнавальныя вартасці, кожнай ганарымся. І, выдаючы іх, кіраваліся культурнымі прынцыпамі, ігнаруючы палітыку і ідэалогію.
Але культура — гэта не тое, што ўласціва ўладам і чыноўнікам у Беларусі, гэта для іх нешта незразумелае, таму небяспечнае.
Наша выдавецтва па-ранейшаму будзе выдаваць кнігі. Нішто не страчана. З’яўляюцца новыя магчымасці.<…>
А Міністэрства інфармацыі вітаем у гісторыі, у якую вы ўваходзіце ў які ўжо раз у вельмі непрывабным выглядзе», — напісаў Андрэй Янушкевіч.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося27
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары
2. (Пытанне рытарычнае, але) ці існуе верагоднасць, што таго ж Гары Потэра не прапусціць праз мяжу?