У Барысаве школьнік дапамагаў бабулям паднесці торбы, а потым абкрадаў іх
Спачатку ў міліцыю звярнулася 78-гадовая жанчына. Яе кашалёк з гатоўкай і пенсійным пасведчаннем дзіўным чынам знік, паведамляе абласная міліцыя.
Праз некалькі дзён з аналагічнай заявай звярнулася 71-гадовая пенсіянерка. У яе таксама знік кашалёк, у якім знаходзілася буйная для пажылой жанчыны сума грошай — амаль 1100 рублёў.
Як высветлілі аператыўнікі, цяжкія пакеты з прадуктамі заяўніцам дапамагаў данесці да дома адзін і той жа падлетак. «Памочнікам» аказаўся 16-гадовы школьнік.
Аднак мэта ў падлетка была не толькі добрая: юны барысаўчанін, скарыстаўшыся няўважлівасцю пенсіянераў, выкраў з сумак кашалькі.
Скрадзеныя грошы ён адразу патраціў: набыў тэлефон і электронны парагенератар.
Заведзена крымінальная справа па артыкуле «Крадзеж».
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей5
Каментары
То бок была добрая мэта і нядобрая?
Нешта не вяжацца. У яго, думаючы была толькі нядобрая мэта.