Расійскі гумарыст Уладзімір Вінакур расказаў пра свае беларускія карані
Госцем праграмы «Новая раніца» на «РТР-Беларусь» стаў народны артыст Расіі Уладзімір Вінакур. Ён адразу ж нагадаў, што ў Беларусі нарадзіўся яго бацька, і таму прыязджаць у гэтую краіну яму асабліва прыемна, піша belarus.kp.ru.
— Калі жывыя былі бацькі, я іх прывозіў. На гастролі ездзіў сюды, спецыяльна даваў канцэрт у Калінкавічах — там нарадзіўся бацька, — прызнаўся Уладзімір Вінакур.
Цікава, што цяпер з'явіўся стэндапер Арцём Вінакур, які запэўнівае, што ён — далёкі сваяк.
— Можа. Таму што ў яго таксама карані беларускія. Усё магчыма. Вінакур — такое прозвішча, не проста выдуманае. Як раней казалі: няма такой прафесіі, якую б яўрэй не зрабіў прозвішчам. Кажуць, што ў майго прапрадзядулі быў маленькі броварны заводзік (вінакурня), гаспадарка такая. Памятаю, калі бацька прыехаў на адпачынак у Кіславодск. Яго павялі ў вінныя скляпы, кажуць: пазнаёмцеся, з Курска прыехаў інжынер, Вінакур. І ён падумаў, што гэта прозвішча, — распавёў гумарыст.
У Беларусі ў Тэатра пародый Уладзіміра Вінакура чатыры канцэрты, прычым адзін з іх у Баранавічах. Збіраецца вярнуцца тэатр у Беларусь яшчэ і восенню.
Уладзімір Вінакур, дарэчы, падтрымлівае расійскі напад на Украіну.
Чытаць таксама:
Хто быў прататыпам цыніка Куторгі з «Пінскай шляхты»? Магчыма, эталонны заходнерус
Спявак Ілля Сільчукоў, звольнены з мінскага Опернага за ўдзел у пратэстах, дэбютуе ў La Scala
«Was suchst du, Wolf?» Раман Евы Вежнавец захоплена прэзентавалі на Лейпцыгскім кніжным кірмашы
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары