Ім стане «Кіеў».
Першы ў Беларусі лічбавы кінатэатр, а ім стане «Кіеў», адкрыецца ў Мінску ў пачатку студзеня 2010 года. Пра гэта паведаміў намеснік генеральнага дырэктара УП «Кінавідэапракат» Сяргей Дрожжынаў.
Праведзены ўжо адкрыты конкурс на пастаўку лічбавага абсталявання. Лічбавы праектар паставіць германская кампанія «Кінатон» — заканадаўца моды ў свеце кінапраекцыйнай тэхнікі. А тэхналогію трохмернага паказу dolbi 3D забяспечыць абсталяванне амерыканскай вытворчасці. «Абсталяванне прыбудзе да сярэдзіны снежня, і адразу ж пачнецца яго мантаж і наладка», — сказаў субяседнік, удакладніўшы, што інтэгратарам абсталявання выступіць беларуская кампанія «Арт Рамас Студыё».
Свой 40‑гадовы юбілей, які прыпадае на 2010 год, сталічны кінатэатр «Кіеў» сустрэне прыкметна абноўленым. Ужо завершаны капітальны рамонт фасада будынка (засталося толькі чыставое фарбаванне), заменены вокны. Створана безбар’ернае асяроддзе. Зменіцца таксама інтэр’ер фае і залы.
Капрамонт кінатэатра выкананы за сродкі УП «Кінавідэапракат» і гарадскога бюджэту. Абсталяванне (агульны кошт каля Br800 млн.) будзе набыта за ўласныя сродкі прадпрыемства.
Што ж датычыцца кошту білетаў на лічбавае кіно, то ён будзе крыху даражэйшы — у межах Br15 тыс. «Лічбавае абсталяванне амаль у чатыры разы даражэйшае за кінаплёначнае. Але ж гэта зусім новы ўзровень кінапаказу», — растлумачыў субяседнік.
Укараненне інавацыйных тэхналогій у кінатэатрах горада прадугледжана праграмай развіцця кінасеткі сталіцы на 2008‑2012 гады, адобранай Мінгарсаветам. У планах сталічнага кінавідэапракату — мадэрнізаваць і капітальна адрамантаваць да 2012 года 11 кінатэатраў. Рэалізацыя праграмы, а на гэта спатрэбіцца амаль Br70 млрд., дасць магчымасць павысіць эфектыўнасць работы сталічных кінатэатраў і адмовіцца ад бюджэтнага фінансавання.
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары